【深圳去廣州巴士】深圳免費巴士2小時直達廣州市區！附交通線路+車票購買教程+上車點！
/ 文章日期: 24/10/2025
文章目錄快捷鍵
Toggle
地圖出行巴士 深圳廣州往返車票購買教程地圖出行巴士 深圳廣州往返班次和線路如約城際巴士 深圳廣州往返線路車票購買渠道深圳灣口岸上車點指引
Send埋俾你朋友!
深圳去廣州¥0.01就買到巴士車票，幾乎免費 ！車程2小時直達廣州市中心，而且落車點就係正地鐵站，想轉車去其他地點玩都好方便。搭長途巴最怕環境又窄又焗，呢架車算幾好嘅係車內空間寬敞，而且啲凳都舒服。不過有個缺點就係每日得一班車～
另外發現仲有一條返廣州市區超平的巴士，而且深圳灣口岸上車非常方便！如果想經羅湖/福田/蓮塘口岸的朋友可以經大劇院站上車。
廣州絕對係一個好玩嘅地方，無論你鍾意citywalk、美食探店定係親近大自然，交通都非常方便，景點都基本上可以搭地鐵直達。
有興趣就繼續睇埋下文，教你點樣買免費巴士飛～
深圳免費/優惠巴士合集
地圖出行巴士 深圳廣州往返車票購買教程
可以去返微信內搜尋「地圖出行」，可以打開「地圖出行」嘅小程序
轉出發城市做「深圳市」
選擇「深圳→廣州專線」後，係「出行人數」到填寫返個人資料
一定要轉返深圳市先見到呢條線路
選擇出行日期、深圳及廣州的上車+下車地點
去到廣州市區先￥0.01，幾乎免費！
待平台方查核後就可支付¥0.01，用QR Code車票搭車
地圖出行巴士 深圳廣州往返班次和線路
深圳→廣州
出發時間：13:30（平日）/14:00（星期六）
車票費用：￥0.01
上車點：深大地鐵站A3出口（13:30到站）/寶安中心地鐵站D出口（13:50到站）
下車點：萬勝圍地鐵站C出口（15:20到站）/琵洲地鐵站A出口（15:30到站）/磨碟沙地鐵站B出口（15:40到站）/客村地鐵站A出口（15:55到站）
廣州→深圳
出發時間：10:00
車票費用：￥0.01
上車點：客村地鐵站C出口（10:00到站）/磨碟沙地鐵站C出口（10:15到站）/琵洲地鐵站D出口（10:25到站）/萬勝圍地鐵站C出口（10:35到站）
下車點：寶安中心地鐵站D出口（12:05到站）/深大地鐵站A3出口（12:30到站）
如約城際巴士 深圳廣州往返線路
廣深A線（福田/羅湖/蓮塘口岸建議行這條線）
深圳乘車點：大劇院地鐵B出口➠車公廟地鐵站B出口➠世界之窗地鐵站C1出口➠深大地鐵站A3出口
廣州乘車點：（越秀公園地鐵站B1出口或廣州東站汽車客運站）➠體育西路地鐵站G出口➠車陂南地鐵站B出口➠（大沙地站A出口或天河黃村地鐵站D口）
廣深B線（深圳灣口岸行這條線）
深圳搭車點：西麗地鐵站B出口➠松坪山公車站(松坪村2期一側)[北往南方向]➠深圳灣口岸旅包車場站(公車場站)➠西鄉地鐵站C出口中信銀行門口
廣州乘車點：越秀公園地鐵站B1出口➠體育西路地鐵站G出口➠車陂南地鐵站B出口➠天河黃村地鐵站D口
車票購買渠道
WeChat關注「如約城際巴士」→左下角購買車票→選擇出發點、目的地→付款
搜索「如約城際」
選擇出發、目的地
去到廣州市區先低至￥29.9！
深圳灣口岸上車點指引
行出口岸睇到路牌
往公交車場站方向（左邊）
就係呢部黃色巴士